Энэхүү үйлчилгээний нөхцөл нь Banjig.Net-ийн үндсэн үйлчилгээний нөхцөлийн өргөтгөл бөгөөд та үүнийг уншихаас өмнө Banjig.Net-ийн үндсэн үйлчилгээний нөхцөлийг унших хэрэгтэй.

Banjig.Net-ийн нэгэн салбар болох Banjig.Music нь Монголын хамтлаг дуучдын талаарх бүхий л мэдээ мэдээлэл, цомог, дуунууд, видео клипыг үзэгч сонсогчдын хүртээл болгохын зэрэгцээ Монголын рок поп хөгжмийн ертөнцийн хамгийн сүүлийн үеийн мэдээ, мэдээллийг хүргэж байх үүднээс Монголын хамгийн анхны 24 цагийн эфиртэй S-Music хөгжмийн суваг болон "Монголын дуу бичлэг бүтээгчдийн үндэсний төв"-тэй хамтран ажиллаж байна. Энэхүү төвийг монголын хамтлаг дуучид нэгдэн байгуулсан бөгөөд өөрсдийн оюуны өмчийг хамгаалах тал дээр нэгдэн ажиллаж байгаа юм.

Banjig. Music нь нийт хэрэглэгчдэд дараах үйлчилгээнүүдийг үзүүлж байна.

Төлбөргүй үйлчилгээ:

S-Music хөгжмийн сувагтай хамтарсан дуу хөгжмийн дүрстэй мэдээ, мэдээлэл Banjig.Music-ийн үндсэн меню дунд "S-Music дүрстэй мэдээлэл" гэсэн дээр дарж мэдээний архиваас үзэж болно. Хамтлаг дуучдын видео клип үзэх Banjig.Music-ийн үндсэн меню дунд "Видео, клип" гэсэн дээр дарж сүүлд нэмэгдсэн клипүүдийг үзэж болохын зэрэгцээ хамтлаг дуучин тус бүрийн хуудаснаас үзэж болно. Интернэт радио сонсох (туршилт эхэлсэн) Монголын Хамтлаг дуучдын дэлгэрэнгүй намтар, танилцуулга авах Цомог, дуунуудын мэдээлэл үзэх Зураг харах, түүнийг ил захидал болгон илгээх Хамтлаг дуучдын зурагтай ханын цаас буюу "wallpaper" дэлгэц дээрээ суулгах Хамтлаг дуучдын дуут ил захидал илгээх

Төлбөртэй үйлчилгээ:

Монголын хамтлаг дуучдын шинэ цомог, дууг MP3 хэлбэрээр худалдах Хэрэглэгч өөрийн хүссэн дуугаараа "Сонсох жагсаалт" үүсгэн (Play list) онлайнаар сонсох

Дээр дурдсан үйлчилгээнүүдийн танилцуулга болон зааварыг энд дарж үзнэ үү. Харин одоо MP3 дуу худалдан авах болон "Сонсох жагсаалт" үүсгэн хүссэн дуугаа онлайнаар сонсох заавар, журмийг танилцуулъя.

Дуу хөгжмийг онлайнаар худалдан авах заавар, журам

Та дууг худалдан авснаар хүссэн үедээ өөрийн компьютерт татан авах боломжтой ба улмаар MP3, iPod зэрэг тоглуулагчдаа хуулан хаана ч гэсэн хүссэн дуугаа сонсох боломжтой болно. Нэг дууны үнэ 690 төгрөг бөгөөд дууг нэг нэгээр нь борлуулах нь зөвхөн сонсохыг хүссэн дуугаа сонгон авах нөхцөлийг бий болгож байгаагын зэрэгцээ бүтэн CD худалдан авах зардалыг хэмнэж байгаа сайн талтай юм.

1. Banjig.Net-д бүртгүүлэн Banjig.ID авсан байна. Энд дарж Banjig.ID -ны тухай мэдээлэл авна уу.
2. Banjig.Дансаа цэнэглэсэн байна. Энд дарж Banjig.Дансны тухай мэдээлэл авна уу.
3. Өөрийн Banjig.ID-аараа нэвтрэнэ.
4. Авахыг хүссэн дууны ард байрлах сагсны дүрстэй шар товч дээр дарна.
5. Жижиг цонх нээгдэн дараах мэдээллийг харуулах болно
   • Авах гэж буй дууны нэр : Араас чинь тэврэлгүй явууллаадаа
     
     Энэ дууг худалдан авснаар таны Банжиг Данснаас 690 нэгж хасагдах болно. Одоо таны Банжиг Дансанд 4927 нэгж байна.
     
     Та энэ дууг худалдан авахдаа итгэлтэй байна уу?
     
     Тийм, одоо авъя! - Үгүй, авахаа болъё!
6. Та тухайн дууг авахыг зөвшөөрч байвал "Тийм, одоо авъя!" гэсэн товч дээр дарснаар дахин өөр хуудас нээгдэнэ. Энд дараах мэдээлэл харуулна.
   • Дуу худалдан авсан явдалд баярлалаа. Та одоо энэ дууг My Media хэсгээсээ хүссэн үедээ татаж болно.
     
     Татах гэж буй дууны нэр : Араас чинь тэврэлгүй явууллаадаа
     
     Ойлголоо, татаж авъя
7. Ингээд та "Ойлголоо, татаж авъя" гэсэн товч дээр дарснаар тухайн дууг өөрийн компьютер дээрээ татаж авна. Худалдаж авсан дууг нэг л удаа татах биш хүссэн үедээ л "MyMedia" хэсгээр нэвтэрч дуугаа дахин татаж болно.

Хэрэглэгч өөрийн хүссэн дуугаараа "Сонсох жагсаалт" үүсгэн (Play list) онлайнаар сонсох заавар

Энэ үйлчилгээг дуу худалдан авах хэрэгцээ хараахан гараагүй буюу өөрөөр хэлбэл ажил дээрээ, интернэт кафед, сургууль дээрээ гэх мэт олон нийтийн газруудад интернэтэд сууж байхдаа дуу сонсохыг хүссэн хэрэглэгчдэд зориулав. Энэхүү үйлчилгээгээр хүссэн дуугаараа жагсаалт үүсгэн сонсоход 1 минут тутамд Banjig.Данснаас 2 нэгж буюу 2 төгрөг унах болно.

1. Banjig.Net-д бүртгүүлэн Banjig.ID авсан байна. Энд дарж Banjig.ID -ны тухай мэдээлэл авна уу.
2. Banjig.Дансаа цэнэглэсэн байна. Энд дарж Banjig.Дансны тухай мэдээлэл авна уу.
3. Өөрийн Banjig.ID-аараа нэвтрэнэ.
4. Сонсох жагсаалт үүсгэнэ. Ингэхдээ:
   1. "Сонсох жагсаалт" үүсгэх дуунуудаа сонгоно. Та аль нэг дуучны цомог дуунууд гэсэн хуудас руу нь орж дуунуудаас нь сонсохыг хүссэн дууныхаа ард байрлах чагтыг сонгоно.
   
   2. "Сонсох жагсаалт"-д нэр өгөх. Доорх зурагт харуулснаар нэр өгөх талбарт хүссэн нэрээ өгнө. Жишээ нь: Миний сонсох дуртай дуунууд гэх мэт.
   3. "Сонсох жагсаалт"-д" нэр өгсөн бол одоо "Жагсаалтад нэм" гэсэн товч дээр дарна. Ингээд таны сонгосон дуунуудаар "Сонсох жагсаалт" үүснэ.
   
   4. "Сонсох жагсаалт"-д дуу дахин нэмэх. Ингэж "Сонсох жагсаалт"-д дуу нэмхэд заавал хамтлаг дуучдын хуудас руу оролгүйгээр "Шинээр нэмэгдсэн дуунуудын жагсаалт", хайлтын үр дүнд гарч ирсэн жагсаалт, хит парадад байгаа дуунуудын жагсаалт гэх мэт хаана л сонгох боломжтой газар байна тэндээс дууг "Сонсох жагсаалт"-д нэмж болно. "Сонсох жагсаалт"-д нэмэх дуунуудаа чагталсан бол хуудасны дээд хэсэгт байрлах форм дээрээс "Одоо байгаа сонсох жагсаалтад нэм" гэснийг сонгоно. Ингээд ард нь байгаа өөрийн нэр өгсөн сонсох жагсаалтаа сонгон "Жагсаалтад нэм" товч дээр дарна. Энэ үйлдлийг жагсаалтад дуу нэмж болох хүртэлээ давтана. (өөр өөр хуудас руу орж сонсох жагсаалтаа баяжуулна гэсэн үг)
   5. Шинэ сонсох жагсаалт үүсгэх: Та урьд нь үүсгэсэн сонсох жагсаалтаа хэвээр нь үлдээж дахин өөр сонсох жагсаалт үүсгэж болно. Үүний тулд эхлээд дээрх алхамуудад заасаны адилаар дуугаа сонгоно. Ингээд доорх зураг дээр харуулсаны дагуу "Шинэ сонгох жагсаалт үүсгэж нэмэх" гэснийг сонгох бөгөөд ингэхэд жагсаалтын нэр бичих талбар гарч ирнэ. Тэнд шинэ жагсаалтынхаа нэрийг бичин "Жагсаалтад нэм" гэсэн дээр дарна. Ингэж өөр өөр сонсох жагсаалт үүсгэх боломжтой байгаа нь сонсогчдод сонсох дуугаа төрөлжүүлэн жагсаалт үүсгэн сонсох боломжийг нээж байгаа юм.
5. Өөрийн үүсгэсэн "Сонсох жагсаалт"-аа сонсох: Үүний тулд Banjig.Music дээрээ MyMedia гэсэн хэсгээр орж дэлгэцийн баруун талд байрлах "Миний сонсох жагсаалт" гэсэн меню дээр дарна. Ингээд таны үүсгэсэн сонсох жагсаалтууд доорх зураг дээр харуулсан шиг гарч ирнэ. Та сонсохыг хүссэн жагсаалтынхаа ард байрлах "Сонсох" гэсэн холбоос дээр дарна. Ингэхэд дараах дуу тоглуулагч гарч ирэх бөгөөд таны сонсохоор сонгосон дуунууд шууд явах болно. Мэдээж та сонсож байгаа дуугаа өөрийн компьютертаа татаж аваад өөрийн MP3,iPod зэрэгт хуулан хаана ч хамаагүй сонсохыг хүсвэл тэр сонсож байгаа дуугаа худалдан авах боломжтой.
6. "Сонсох жагсаалт"-ийн дуунуудаа харах, жагсаалтаас дуу устгах: Дээрх зурагт харуулсанаар сонсох жагсаалтын нэрийн ард байрлах "дуунууд" гэсэн холбоос дээр дархад тухайн жагсаалтад байгаа бүх дуунуудыг харуулна. Ингээд аль нэг дууг жагсаалтаас хасахыг хүсвэл дууны нэрны ард байрлах нүдийг чагтлан сонгоод "Сонгогдсоныг устга" гэсэн товч дээр дарна. Үүнийг зургаар харуулав.
   
   
   
   
7. "Сонсох жагсаалт"-ын нэрийг засах, жагсаалтаа бусдад харуулах: Нэгэнт үүсгэсэн байгаа жагсаалтынхаа нэрийг засах боломжтой. Ялангуяа нилээд олон жагсаалт үүсгэсэн тохиолдолд жагсаалтуудаа хооронд нь ялгахад энэ нь хэрэгтэй. Үүнийг дараах зургаар тайлбарлав.
   
   
   
   Мөн өөрийн үүсгэсэн жагсаалтаа бусад хүмүүст сонсгохыг хүсвэл дээрх зурагт харуулснаар "Сонсох жагсаалтыг нийтэд харуулах уу?" гэдэг дээр Тийм гэсэн сонголтыг хийгээд "Өөрчлөлтийг хадгал" гэсэн товч дээр дарна. Сонсох жагсаалтаа нийтэд харуулах нь та өөрийн төлбөртэй сонсож байгаа дуугаа бусдад үнэгүй сонсгож байгаа хэрэг биш юм. Бусад хүмүүс жагсаалтыг сонсоход таны л нэгэн адил данснаас нь нэгж унана. Харин ингэж өөрийн сонсох жагсаалтыг нийтэд харуулснаар олон янзын сонирхолтой хүмүүс жагсаалт үүсгэж байгаа учраас аль дууг сонгож сонсохоо мэдэхгүй байгаа хүмүүст бэлэн жагсаалтаас сонсох боломж нээж байгаа юм.

Banjig.Music-ийн талаарх илүү дэлгэрэнгүй мэдээллийг энд дарж авна уу.